League kharnaah Hunthar chak

Karliamta Zirtawpni zan khan Tata SK 712 Pro Volleyball League semi-final urlawknaah Hunthar chuan 3-2-in Chhinga Veng Spikers an hneh a, table-a pahnihna luahtute hian Chhinga Veng chunga inhung chungin league an khel zo.
R. Dengthuama In-door Stadium, Mualpuiah hma an hruaina hum zui thei lo zel mah se a tawpah 25-21, 20-25, 25-22, 24-26, 15-13-in Hunthar an chak.
Hunthar captain Rem-sangzuala’n hmun pawi-mawh luahin point nga a thawk chhuak a, setter zinga D3 Business Player of the Match lawmman dawng hmasa ber a ni a, dangtu awm loin vawi 17 a vuaktir a ni.
Vawi nga an khelhah tum li Hunthar chakin point 10 an hmu a, pa-hnihna ni chungin an tlang ta a ni.
A tum hnihna atan Chhinga Veng tlawm mah se set hnih an lak vangin point khat an hlawhchhuak a, a vaiin point 10 tho kawlin pathumnaah an awm a, June NI 28, nilaini zanah Hunthar nen tho semi-final lamah an intawng zui leh ang.
TNT an hneh loh tuma beisei pha lo Gagandeep Singh leh Laldensanga’n mimalin hma an sawn a, Hunthar tan chanchin lawmawm niin set hmasa berah derthawng loin an tlang.
Set an hloh hnuah Javed Khan chuan Spi-kers fuihphur ve thungin Lalbiakmuana’n hriam takin a khel a, point 22 ve ve hmuin vawi kua tisual Biakmuana aiin Rajasthan spiker-in point liin a hloh tlem.
Javed chuan a vuak tlak hnuah lehlam hlap a dang a, Biakmuana’n hetiang bawk hian point a hmu zawn ve leh. 24-20-in Spikers an sang a, Javed chuan lak theih loin a service a, inkhel boruak a tidanglam.
Tlang chiang sa tawh ve ve an ni a, Chhinga Veng coach Jesse Lal-pianpuia’n Javed leh setter David Lalramhma-chhuana a chawlhhah-damtir a, Mizoram hlang hlakin an khel zui.
Tuipuiral hmaah set khatna chiang taka an lak hnuin Huntharin player enchhinna’n an hmang a, harsatna tawkin harsa takin an chak hram. Chhinga Veng lakah erawh chak ngei tumin player an thlak kual ve lo.
Remsangzuala’n a vuak tlak rualin 19-13-in Hunthar an sang a, inkhel thununin derthawng hman loin set thumna an la a, mahse, 24-21-a sang zawk an nih laiin Zomuansanga’n zawnchhuah ngaiin a ke dinglam a tina a, semi-final a khel thei dawn em a chiang lo.
Khawhai tlangval hian a khelh chhungin vawi 11 vaw tlain tum li a tisual a, point 31 hmua 11 paihtu Gagan tih lohah Hunthar tan thawhhlawk ber a ni a, Densanga’n tum 13 hlap tla mah se point sarih a paih.
Chhinga Veng lamin zangkhai takin an khel a, zuang sang tak K. Lal-fakawma leh Joseph Lalbiaksanga’n tihsual hlau loin ball an vaw tam. Set linaah an inhnehtawk hle a, Biakmuana’n a hlap tlak hnuah 25-24-in Spikers an sang a, Densanga’n hun tha a neih vaw chhuakin set nga an khelh a tul.
Spikers-in Javed luhtir thar leh mah se Hunthar an intel ruh zui tlat. Inkalsan thei loin 13-13 thlenga an intluk chhoh hnuah Punjab police Gagan chuan a vaw tla a, net bulah a elpui Javed-a hlap chiang takin a dang tla zui leh nghal.
Chak zo lo chungin Chhinga Vengin player rin ngam an nei nual tih an lantir a, Faktea’n tum 16 vaw tlain point 10 a hloh a, vawi khat chiah tizualin Biaksanga’n vawi 10 a hlap tlak bakah Samuel VL Nunhlima leh PC Lallianmawia’n point riat ve ve an thawh bawk.