English Premier League-ah talbuai a, 17-na ni mek Leeds United chuan an manager Jesse Marsch an ban. Marsch hmunruak luahtu tur hian Leeds manager hlui pahnih; Carlos Corberan leh Marcelo Bielsa te chu rinkai zual an ni.
-- Advertisement --
Jessr Marsch hian kum 2021 khan German club RB Leipzig a enkawl a, kum 2022 khan EPL club Leeds United hian an ruai zui ve leh. Marsch hnuaiah hian beiseina sang tak nen season bul tan mah se beisak an phak ta lo viau thung. EPL ah tunhnaia an khelh hnuhnung vawi sarihah chak an nei miah lo nghe nghe. An chak theih loh em vangin hniam lam an pan zel a, tlakhniam an hnaih hman viau tawh. Chak mamawh em em chungin Pathianni zan khan Nottingham Forrest lakah an tlawm zui leh. Nottingham Forrest lakah an tlawm hnuin manager Marsch ban turin thutlukna an siam zui ta a ni.
Marsch hian Leeds United hi EPL ah vawi 32 a kaihruai hman a, hnehna a chanpui zat hi 25% chiah a ni.