Premier League-ah 16-naa awm mek Leicester City chuan hmasawn an duh a, an manager rawih mek Steve Cooper an ban.
Irinni zan khan Leicester City hi an mikhual Chelsea hneh lovin a tlawm a, Chelsea laka an tlawm hnu lawkah Cooper ban turin thutlukna an siam zui nghal. Cooper rual hian Assistant manager Alan Tate and first-team coach and analyst Steve Rands ten Kin Power Stadium an chhuahsan zui ve nghal bawk.
Foxes in an ban tak Steve Cooper hian Enzo Maresca chhuah hnuin Leicester City a enkawl tan a. Foxes hi championship-ah champion puiin, EPL-ah a kaisan pui. EPL season tharah beisei angin bul an tan tha lova, vawi 12 khel tawhin vawi hnih chiah an chak a, draw vawi li an neih bakah tlawm zawkah vawi ruk ngawt an tan tawh. Khelh 12 atang hian point 10 chauh an la hmu a, 16-na daihah awm mekin point hnih chiahin relegation zone-a awm mek Ipswich Town nen an inthlau. An dinhmun a him loh em vangin manager thar hnuaiah chona thar hmachhawn turin thutlukna an siam ta a ni.
Leicester hian an manager thar tur an dap nghak chuk chuk a, an manager thar ni tura rinkai zingah West Ham manager hlui David Moyes leh United manager lai lawk Ruud van Nistelrooy te an langsar rih hle a. United manager hlui Erik ten Hag hming lamrik a ni bawk.
Leicester in Cooper an ban
Get real time updates directly on you device, subscribe now.
Prev Post
Next Post