Leimin vangin chhungkaw panga chhuak

Nilaini tuk khan Electric Vengah lei a min a, chhungkaw panga an chhuak. Leiminna hi metre 30 vela zau a ni.
Leiminna hmun hi Chhinga Veng nena an inrinna kawrpui kam a ni a, tun hnai ruah surah a lo min tawh avangin khawtlang hruaitute’n silpaulin-in an lo khuh tawh. Nilaini tuk dar 3.35 vel khan nasa zawkin a min ta a ni.
A hmain leiminna hmun vela chhungkaw 95-te chu lirthei dah chhuahtir an lo ni tawh a, leiminin lirthei kalna kawng a tihchhiat tak avangin chhungkaw 95-te hian ni tin mamawh thil lak leh bawlhhlawh paih chungchangah harsatna an tawk dawn tih thu dawn a ni.
Bialtu MLA, DM&R minister K Sapdanga leh bialtu corporator Rosiamngheta te’n an tlawh nghal a, hnatlangte hman atan Rs 5000 ve ve an pe. A hma ni khan bialtu MLA leh geologist te’n an lo en tawh bawk.
Geologist te thurawn angin, lei chetna hmuna chhungkaw \henkhat, bungraw thiarchhuahsakte chu, an tuizema an tui neih sa leh septic tank te pawh paih thawl vek a ni.