State Transport Authority Mizoram chuan passenger phur lirthei hman man an bituk thin chu tha zawka zawm a nih theih nan online hmanga book theih dan ruahman a tum a, Aizawl khawpui chu enchhinna hmasa atan hman a tum.
Nilainia Transport secretary C Lalzahngoa hoa State Transport Authority (STA) thukhawm chuan, Mizoramah passenger phur chi lirthei (public transport) chuan man (fare) chu STA-in siam thin mah se, lirthei neituten an zawm tha tawk lo hle tih hriat a ni tih sawi a ni a. Mipuiin lirthei chuan man (public transport fare) dik tak man chawia an hman theih nan leh alwsam zawka lirthei hire tur an koh theih nan STA chuan online hmanga lirthei koh theihna (online cab booking system) kalpui turin hma a la mek tih sawi a ni.
Aizawl khawpui chu kalpui hmasakna (pilot project) atan hman nise, tiin, online cab booking system hi tihhlawhtlin a nih chuan mipuiin lirthei hire man dik tak an chawi thei tawh tura beisei a ni tih an sawi.
Online-a lirthei hire theihna siam dawn
Get real time updates directly on you device, subscribe now.
Prev Post