Lerh chi i ni em?

Lerh chi i ni em?
A hmei a pain lerh nuam tichi hi awm ve a nia, ngaihzawng nghet nei tak tak chuang lo a, han ‘flirt’ kual vel nuamti tlat pawh a awm theih. Tu emaw a chhai a, a chhai tlu ta maw tihah kalsan leh daih duh tlat ang chi te pawh an awm. Inchhai lai boruak nuam ti tlat, mahse, inngaihzawn tak tak erawh peih leh si lo te pawh an awm.
An duhawmna leh hmelthatnain awlsam taka a zem thluk ve mai theih loh te hneh ngei tuma han rim kual vel nuamti chi an awm a. A tira duh lotu kha induh tira, inhmangaih tir tuma han chhai vel kha nuam an ti a, tichian an chhai tlu ta cheng a, an duhtawk leh mai thin. A inchhai lai boruak khan an nuamtih ber a ni.
Commitment phobia nei te pawh an awm, chutiang mi chuan an ngaihzawng te chu vawn reng tur nge thlah mai tir tihah an rilru an siam tak tak theih thin lo a, a tawpah chuan mi rilru an tina leh nge nge thin, anmahni pawhin an nat phah tho.
|henkhat chuan an chhungte an venthawn avangin ngaihzawng serious nei lo va, flirt mai mai an duh zawk thin. Chhungkaw boruakin a zir loh avanga ngaihzawng serious neih rem lo te pawh awm theih a ni ve tlat.
Ngaihzawng ngah nih chakna avanga lerh pawh an awm thei. Mipa thenkhat chuan hmeichhe eng zat nge an date tawh tih kha insawitheih nan an hmang ve tkat thin. Chutiang mi chuan ngaihzawng serious takin a nei hleithei lo, a thar a mamawh reng a, a score tih tam a duh tlat.
Nupui pasal neih tum lo ve hrim hrim pawh an awm. ‘Single’ nuamti tlat, mahni duh lam lam hawia then kual thei, kawppui nghet nei lo va mahni duh duh dana tal vel nuamti chi pawh an awm.