Leverkusen mi thar Xhaka

German club Bayer Leverkusen chuan Arsenal atangin Swiss midfielder Granit Xhaka chu pound maktaduai 21.4 (25m euro)-in contract a ziak.
Switzerland midfielder hi tunah kum 30 mi ni ve tawh mah se Bundesliga club hian kum nga chhung atan an senglut.
Kum 2016-a Gunners a zawm hnuah Xhaka hian kum 2019 khan reilote chhung north London club captain mawhphurhna a chelh ve zawk a; Arsenal-a a contract neih laiah kum khat la hmabak chungin a inpuchhuak ta a ni.
A hmunruak luah turin Arsenal chuan British re-cord thar siama England midfielder Declan Rice lakluh tumin West Ham an dawr mek tih hriat a ni.
Gunners tana match 297 khela goal 23 tilut tling Xhaka hian a chhuahsan tak Premier League club chu FA Cup-ah vawihnih champion-puiin, season liamta khan Premier League lamah runners-up a nihpui bawk.
Season liamtaa Arse-nal game hnuhnung berah khan goal hnih khungin mikhual Wolves laka 5-0 hnehna an chan tum hun tawp dawna a chhuah laiin ‘standing ovation’ a hlawh.
Kum 2021 khan Arse-nal chuan euro maktaduai 15 (£12.9m)-a Xhaka diltu Roma an lo hnawl fithla tawh a, a kumleh nipui thawt laiin a contract neih lai chu kum khat atan pawtseiin kum 2024 thleng Gunners thuam la inbel thei tur a nih laiin Germany lama hralh an remti ta a ni.
Xhaka hian a hun hmasa lamah Bundesliga hi lo hmelhriat tawhin Borussia Monchenglad-bach thuam a lo inbel tawh a, kum 2016 khan Gunners chuan pound maktaduai 35-in an leichhuak a, German top flight lamah bawk an kirtir leh ta a ni.