Fenerbahce tana game 51 khela goal kua thuna assist tum 12 siamchhuak tling Arda Guler chu tunah rawlthar kum 18 mi lek ni mah se media lamin ‘Tur-kish Messi’ tiin hminglem an phuahsak der tawh a, chuti taka hmingchher tawh chuan Real Madrid a zawm.
Turkish forward hian Bernabeu-ah kum ruk daih tur contract ziakin, England player Jude Bellingham nen team khatah an awmdun dawn a ni.
Turkey playmaker Gu-ler hian season liamta khan Fenerbahce tan goal li khungin assist vawili bawk a nei a, a team chhuahsan tak chu Turkish Cup final luhpuiin, champion zo lo mah se ‘man-of-the-match’ lawmman a dawng.
Thla hmasa mai khan Turkey tana goal khung thei naupang ber a ni hlimhlawt bawk.
Kum 16 mi lek a nih laiin Guler hian a Fener-bahce debut nghak-chhuakin, Super Lig-a a inlan vawikhatnaah assist a nei nghal a; season liamta khan number 10 shirt pek a ni.
‘Turkish Messi’ hi Eu-rope club hraw engemaw-zatin an beisei a, mahse, Real Madrid chuan Premier League trio Arsenal, Manchester United leh Newcastle bakah Bayern Munich leh Paris St-Germain hmakhalhin a signature an chang ta a ni.
Real hian an leina zat tarchhuak lo mah se media-te chuan Guler man hi euro maktaduai 20 vel niin an ngai.
Arda Guler hi tunlaia player naupang lawm hlawh leh chuhrawn hlawh zinga Spanish giants zawm tharlam ber niin, a hmain Real hian Bellingham, Vinicius Jr, Rodrygo, Aurelien Tcho-uameni leh Eduardo Camavinga-te an lo senglut tawh bawk a ni.
Real-in ‘Turkish Messi’ senglut
Get real time updates directly on you device, subscribe now.
Prev Post
Next Post