April ni 14 zanah game nga khelh tur la nei chungin Bayer 04 Leverkusen chuan an club chanchina a vawikhatna atan Bundesliga title an hlawhchhuak fel a, season hnuhnung 11-a German title la zawn chho ngat ngat Bayern Munich saipui kal lai an pawtding zui bawk a; tun Pathianni zanah pawh Borussia Dortmund mualah 1-1 draw hlawhchhuak lehin, season kal lai inelna hrang hrangah German champion thar hian tlawm an la pumpelh kal zel.
Dortmund mualah hian minute 81-a Niclas Fullkrug-a goal kha season kal laia Leverkusen tlawm vawikhatna thlentu ni ve tawh nge nge tura ngaihna a lian hman a, mahse, hun pekbelh minute sarihna a liam hma chiahin Bayern Munich atanga loan-a an hawh fuh Croatia defender Josip Stanisic chuan Florian Wirtz corner chhuih atangin mikhual record kal lai a chelhding a; tun season inelna hrang hranga match 45 an khelh tawhah Xabi Alonso team hian tlawm an la nei lo!
Leverkusen hian Europa League quarter-final khelh hnih belhkhawmah 3-1-a West Ham United hnehin Europe trophy beisei tur an la nei bawk.
Leverkusen tlawm lo tluang zel
Get real time updates directly on you device, subscribe now.
Prev Post
Next Post