‘Lianchhiari Run’ hawng

North Eastern Council sum hmanga Information & Public Relations department enkawl tur, multi facility centre ‘Lianchhiari Run’ chu Nilaini khan I&PR minister Lalruatkima’n a hawng.
Minister chuan khawpui laili taka department thawktute leh mipuiin an chhawr tangkai tur multi facility centre tha tak sak a ni chu tha a tih thu a sawi a. Inhmuhkhawmna tur conference hall, photo leh art exhibition neihna tur remchang tak, theatre, vantlang tan lirthei hunna tur parking area zau tak leh facility dang dang he building-in a kentel chu tangkai taka hman a nih a beisei tih a sawi.
NEC-in project atana a kentel bak a chhung cheibawlna tur mamawh chu SEDP atanga sum hmuh a nih thu a sawi bawk.
IPR directorate bula sak Lianchhiari Run hi NEC sum, nuai 900 leh state sawrkar sum nuai 100, a vaiin nuai 1000 senga sak a ni a. A satu hi Lushai Engineers a ni. 2017 December 14-a sak tan niin, kum thum chhunga sak zawh tur ni mah se, rokhawlhna hrang hrang avangin a hun takah zawh theih a ni lo.

LIANCHHIARI RUN:

4Chawng sarih awmin, elevator (kg 560 dawl thei tur) pahnih dah a ni.
4Ground floor (Tennis Court Bus Stand opposite) hi MzSRLM-in self help group-ten an thil siamchhuah zawrhna ‘Sales Outlet’ atan an luah dawn.
4Chawng 2-na hi two wheeler 65 parking atan duan niin, chawng 3-na pawh lirthei ke pali nei 20 vel dah theihna a ni.
4Chawng 4-naah officer room leh staff awmna bakah lirthei ke pali nei 8 vel dahna tur a awm.
4Chawng 5-naah director leh staff room engemawzat leh lirthei dahna tur tlem a awm.
4Chawng 6-naah conference hall leh art gallery awmin, chawng chung berah mi 100 vel leng mini theatre leh exhibition neih theihna tur open terrace siam a ni.