Lilamnaa lunghlu lian ber mtd 40 chuang man

Blue diamond danglam leh vang zet mai chu lilamnaah $40 million chuangin hralh a nih thu Christie’s auction te chuan an sawi.
He lunghlu hi 17.61 carat, pear-shaped Bleu Royal diamond a ni a, $43.8 million a hralha ni a.
Blue gem lilam tura chhawpchhuah tawh zinga lian ber a la ni, tiin Christie’s te chuan an sawi bawk a.
Mimal kutah kum 50 chuang awm reng tawh niin tun hi lilamnaa Bleu Royal hralh hmasak ber a ni bawk.
“He diamond hi laihchhuah tawh zinga danglam ber a ni” tiin auction house te chuan an sawi bawk a.
Christie’s te chuan vivid blue diamond 10 carats chuang hi auction 250 history chungin tum thum chiah hralh tura chhawp chhuaha awmin chung te chu kum 2010, 2014 leh 2016 te khan a ni.
14.62 carat Oppenheimer Blue chu kum 2016 khan $57 million chuangin Christie’s te chuan an lo hralh tawh bawk a.
Christie’s head of jewellery Max Fawcett chuan kum 2023 chhunga auction house khawvel hmun tina mi te pawh tiam vekin jewellery lilam lian ber a ni tiin a sawi.
Thawhtan khan Christie’s te chuan Rolex watch US actor Marlon brando an Apocalyse film-a a a bun chu $5 million in an lilam bawk a.
Hei mai bakah hian Christie’s te chuan pearl necklace, Audrey Hepburn in ‘Roman Holiday’ final scene-a a awrh chu an lilam dawn bawk.