K-pop star, BLACKPINK member Lisa chuan kum kaltaah khan Guinness World Record pathum a siam niin GWR chuan an puang a, ‘Lalisa’ rapper hi solo K-pop artist zingah MTV Video Music Awards dawng hmasa ber niin, nikum khan best K-pop a dawng a, hei bakah hian K-pop solo artist zingah MTV Europe Music Awards dawng hmasa ber niin, he award-ah hian category khatah nomination pahnih neiin, BLACKPINK leh a mimal angin a lang nghe nghe a ni.
-- Advertisement --
A record pathumna chu social media lam a ni a, Instagram-ah follower maktaduai 86.3 nei tlingin, K-pop artist zinga Instagram follower ngah ber a ni a,, a bandmate Jennie chuan follower maktaduai 73.5 neiin, Rose-i’n maktaduai 66.2 leh Jisoo-i’n maktaduaio 67.8 an nei ve bawk.
BLACKPINK sawi takah chuan tunlai hian Born Pink World Tour an neih kal zelah Asia an fang mek a, tunhnaiah Bangkok, Hong Kong leh Riyadh, Saudi Arabia-ah te perform-in, tun nipuiah hian Coachella an headline thei dawn a, K-pop group zinga a hmasa ber an ni leh dawn bawk.
Tun thla tir lamah khan Lisa leh a bandmate te hian nikuma an album ‘Born Pink’ kha limited edition vinyl an tichhuak leh a, photobook phek 72 awmna a chhawm bakah accessories, photocard leh double-sided poster te pawh an chhawm tir a ni.