Kum 20 dawn an tihho hnuah Panic! At The Disco chu an kal hrang dawn ta tih thu Brendon Urie-a’n a pang a, March thlaa tawp tur European leh UK tour an neih zawh rualin an group pawh a tawp zui ve dawn ta a ni.
-- Advertisement --
Brendon Urie chuan Instagram-ah, “Zinkawng danglam tak a ni. Vegas-ah kan thang lian a he nun kawng ka zawh tur hi ka thlir lawk ngai hauh loh a ni. Khawvel hmun hrang hrang leh kan zinkawnga thian kan siam zozai te kha,” a ti.
An band tan tawpna ni mah se Brendon, kum 35, tan erawh nun bung thar kaina tur a awm dawn a, a nupui Sarah nen an fa hmasa ber nei turin an puahchah mek a, “Thup kan tum viau nain, thenkhat chuan in lo hre tawh tho mai thei a, Sarah nen naute neih thuai kan inbeisei! Pa ka han ni tur leh ka nupui pawh nu a ni mai tur hi a boruak a phurawm danglam riau a ni,” a ti a, “Sawi tak angin, tuna ka nun bung chiar lai hi kharin, ka hun leh tha te chhungkaw tan ka hmang tawh dawn a, chutiang a nih tak avang chuan Panic! At The Disco pawh a tawp dawn ta a ni,” a ti bawk.
Panic! At The Disco hi 2004-a din kha niin, Ryan Ross, Spencer Smith leh Brent Wilson te nena an din ho a ni a, Brendon hi he band-a a original member la awm chhun a ni nghe nghe.