Thawhleh zan khan FA Cup third round khelh chhunzawm a ni a. Anfield ah Wolves nena inhnehtawk Liverpool chuan Wolves hi an tualzawlah ngei Harvey Elliott goal thun hmangin an hneh a, fourth round an lut.
-- Advertisement --
Liverpool leh Wolves te hi Anfield ah inkhel in 2-2 in an lo inhnehtawk tawh a. An inkhelh hmasa zawkah chak an awm loh vangin fourth round lut tur zawk tichiang turin an inkhelh nawn leh a ngai a. Nilai zan khan Molineux Stadium ah an intum nawn leh ta a ni. Wolves nen an intum nawn leh tum hian Liverpool in bul an tan tha viau a, minute 13-na lekah Harvey Elliott chuan he inkhela goal awmchhun hi a thun a, he goal hi fourth round luh nan an hmang.
Thawhleh zana inkhel dangah West Bromwich Albion chuan 4 – 0 in an mikhual Chesterfield an hneh a, fourth round an lut a. Birmingham City, Bristol City leh Luton Town ten an khingpuite 2-1 theuha hnehin fourth round an lut hlawm bawk.
Wolves hnehtu Liverpool hi EPL an khelh hnuhnung berah an che chhe viau a, Brighton in si thum fai ngawtin an sawp. Brighton laka an mualpho hnu lawkah Wolves an hmachhawn zui leh zat a, Mimualah mualpho nawn leh thei an nih laiin hnehna an chang ta hlauh a. He an hnehna chan hi insiamtha tura hma lam an pan \anna a nih theih ngei a rinawm. FA Cup fourth round ah hian Brighton bawk an hmachhawn leh dawn a. EPL a an tlawmna chhanglet turin hnehna chan an tumruh hle ngei ang. Reds hian EPL ah pakuana an luah mek a, league ah an chet\hat loh vangin insiam\hat thuai an mamawh.