Liverpool in
Mac Allister la lut
English Premier League club lian Liverpool chuan Argentina midfielder Alexis Mac Allister chu Brighton aTangin an la lut fel a, kum nga daih contract an ziahpui.
Liverpool hian Mac Allister manah £35m an seng phawt a, an hnena a khelh That dan a zirin Agentine midfielder man hi £55m thlenga pung chho thei a ni thung. Liverpool hian an midfielder pathum James Milner, Naby Keita leh Alex Oxlade-Chamberlain te an chhuahtir dawn vangin midfielder thar an mamawh a. Borussia Dortmund aTanga lak an tum Jude Bellingham an hawisan hnuin Mac Allister lak an hmanhmawh lehzual a, ningani khan an la lut fel ta nge nge a ni.
Reds midfielder thar Mac Allister hian kum 2019 khan Argentinos Juniors aTangin Brighton a zawm a, hemi kum vek hian Argentina club-ah loan in a chhuak zui leh nghal. Argentinos Juniors aTanga a kir leh hnuin a pawimawh chho telh telh a, season liam ta phei kha chuan Brighton player pawimawh leh langsar ber pawl a ni der tawh a. Tui let hnu lama a vawikhat nan Brighton hi Europa League khel turin an tling hial nghe nghe. Mac Allister hian Brighton tan vawi 112 khelin goal 20 a thun tawh a, Argentina tan vawi 16 a khel tawh a. World Cup 2022-ah an champion theih nan player pawimawh a ni.
Kum 24 mi Mac Allisters hian Liverpool a zawm thei chu mangphan ram, a taka thleng dik ang hiala ropui a nih thu a sawi a. Club ropui leh player pawh nei Tha zawk Reds tan inlan a chak
Liverpool in Mac Allister la lut
Get real time updates directly on you device, subscribe now.
Prev Post