LMC councillor-te lalut
Lunglei Municipal Council-a councillor 11 chu Thawhlehni khan rinawmna thu tiamtira lakluh an ni
LMC chief executive officer H Lalhmingthanga’n a kaihruai a, councillor thlan thar 11-te hian Lunglei Municipality hnuaia councillor-a thlantlin an nih anga sawrkar danpuiin a phut angin rinawm tur leh an koa tla apiangte hlenchhuak tura Pathian hmingin an intiam. District magistrate leh district municipal election officer Ramdinliani chuan lalutin a kaihhruaina hian LMC hruaitute thlan nghal a ni.
LMC chairman atan Ward No.III councillor Lalzuithanga thlan a ni a, vice chairman-ah Ward No. VII councillor K Lalrinawma thlan niin, an ni hian chairman leh vice chairman an nihna anga rinawmna thu tiamin lakluh nghal an ni bawk.
Chairman hian executive councillor atan Ward No.I councillor Lalhruaitluangi Sailo leh Ward No. IX councillor Zorinsanga Hmar te a ruat a, an ni pawh hian rinawmna thu tiamin lakluh nghal an ni.
Councillor rinawmna thutiam laa lakluhte hi – Lalhruaitluangi Sailo (Ward I), Lalmuanpuii Renthlei (Ward II), Lalnithanga (Ward III), R Lalramzauva (Ward IV), Zonunmawii (Ward V), R Lalremsiama(Ward VI), K Lalrinawma (Ward VII), Malsawmkimi Khawlhring (Ward VIII), Zorinsanga Hmar (Ward IX), Judy Lalhriatpuii (Ward X) leh Vanlalliana Pachuau (Ward XI) te an ni.
Thawhlehni vek khan Board of Municipal thutkhawm hmasa ber an nei nghal a ni.
LMC councillor-te lalut
Get real time updates directly on you device, subscribe now.
Prev Post