LMC inthlan atan BCM-in ngen

LMC inthlan atan BCM-in ngen
Lunglei Municipal Council inthlan hmasa ber March 29-a neih turah Mizoram Baptist Kohhran chuan thuchah a siam.
Lunglei mipui leh vantlang inrelbawlna enkawltu ‘Lunglei Municpal Council’ hruaitu thlan turah inthlanna fel leh thianghlim neih a duh tih sawiin, ‘Party hrang hrang leh candidate zawng zawngten Pathian rawn chunga inthlanna fel leh thianghlim a awm theih nan hma la theuh tura ngen an ni a, mipui pawhin theihtawp chhuaha tawiawm theuh tura ngen an ni,’ a ti.
Mizoram Baptist Kohhran chuan a din tirh atangin political party tan bik leh awn lam bik a nei ngai loa, sawrkarna chelh apiang chu Pathian ram leh khawtlang hmasawnna atan a tawiawm mai thin a. Chu chu Mizoram Baptist Kohhran Thurin Puanchhuah ‘Article No. 12 – Sawrkar’ ah ziahlan a ni tih a sawi.
Hei vang hian Lunglei mipui zawng zawngten khawtlang leh mipui hmasawnna atana hruaitu tur thlanna kawngah inthlan muanawm loh thlen tir theitu hmanraw thalo laka fihlim tura chahin, tawngtaina nen Pathian duhdana dikna leh thianghlimna nen inthlan hmachhawn turin political party tinte leh mipui a ngen tih Mizoram Baptist Kohhran hian a sawi a ni.