Lok Aadalat nei

Samkhai zawka thubuai chinfelna National Lok Adalat chu Inrinni khan India ram pum huap a neih a ni. Mizoramah chuan a hmunpui ber atan National Lok Adalat hi Mizoram State Legal Services Authority Aizawl bultumin neih a ni.
Mizoram district 8-a District Court theuh bakah Gauhati High Court Aizawl Bench-ah pawh National Lok Adalat hi huaihawt a ni.
Sum sen ngai loa thubuai chinfelna, Lok Adalat hi tunhma pawhin huaihawt a ni tawh thin a, tun tum National Lok Adalat-a thubuai chinfel tur lutkhawm hi 3040 a ni a. Heng thubuai zinga a tam ber chu telephone bill ba chungchang leh Mizorama bank hrang hrang atanga thubuai lut, loan rul tha lote chungchang a ni. Heng bakah hian in hmun lo ram thubuai, mimal inkara sum inpuk thubuai leh ro inchuh thubuai te an ni.
Tun tum Lok Adalat-a thubuai ngaihtuahah hian 1307 chinfel niin, heta sum inpek tur chinfel hi Rs. 6,23,87,050.50 a ni.