Lok Sabha-ah LoP Rahul Gandhi

Lok Sabha-a Leader of Opposition a nih angin Rahul Gandhi chuan official pawimawh tak tak CBI director, Chief Election Commissioners, National Human Rights Commission chairperson leh Chief Vigilance Commissioner ruatnaah te sawi a nei thei tawh dawn a ni.
Gandhi chuan Leader of Opposition (LoP) nihna a chelh ta a, tun hnai kum 10 chungin LoP dinhmun hi Opposition party ten MP an ngah tawk loh avangin an chang thei lo a ni.
Heng official pawimawh tak tak te ruatnaah hian sorkar chuan 2-1 in advanatge a nei a, Prime Minister leh Union Minister te an tel a, mahse, Leader of Opposition a nih angin Gandhi chuan sawi a nei thei tawh dawn a ni.
Kum 54-a upa Congress leader chu Gandhi family member a Leader of Opposition ni thei pathumna a ni a. A pa leh prime minister hlui Rajiv Gandhi kha kum 1989-90 a VP Singh sorkar lai khan LoP a ni a, a nu UPA chairperson Sonia Gandhi pawhin Vajpayee sorkar laiin kum 1999-2004 khan LoP dinhmun a chelh tawh bawk.
Leader of Opposition a nih angin Rahul Gandhi chu Cabinet Minister rank a ni dawn a, Parliament building ah office leh staff a nei ang.
Congress leader hi kumin Lok Sabha inthlanna neihah seat hnih Rae Bareli, Uttar Pradesh leh Wayanad, Kerala atangin thlan tlin a ni a. Kerala a Wayanad zawk chu chhuahsanin a unaunu Priyanka Gandhi Vadra chu a ding dawn thung.