An luman Rs. nuai 24 zet tling mi pakua telin Maoist 17 chu Ningani khan Chhattisgarh-a Bijapur district-ah thuneitute hnenah an inpe tih police hotuin a sawi.
Heng mite zingah hian nupa pawh an tel a, police hotu sang leh Central Reserve Police Force (CRPF) hotu liante hnenah an inpe a ni.
Bijapur Senior Superintendent of Police Jitendra Kumar Yadav chuan Maoist inpete hian an pawl ngaihdan rawng tak awm chu an ngaithei lo niin an insawi tih a sawi a, lo tel rei tawhten pawisawi lo tribal-te nasa taka an chhawr leh venhim hna thawktu lian zel avangin an inpe niin a sawi.
Sorkar laipuiin ‘Niya Nellanar’ (your good village) scheme a kalpui mek chu tha an ti a, he scheme hnuaiah hian Maoist tamna hmuna mite tihchangkanna leh chhawmdawlna tur thil hrang hrang a tel a ni.
Maoist inpete hi an pawla Gangaloor area committee hnuaia kawng hrang hranga inhmang leh tel an ni.
An zinga mi, kum 36 mi, Dinesh Modiam chu divisional committee member niin Bijapur district-a pawi a khawihna 26 avangin man duh zinga mi a ni a, a luman pawh Rs nuai 8 chhiar a ni.
A nupui kum 32 mi, Kala Modiam tia an koh, Jyoti Tati-i leh kum 32 mi tho, Dula Karam te pawh area committee member ve ve niin Rs, nuai Rs 5 ve ve luman nei an ni.
Inpe zinga paruk dangte pawh luman Rs nuai 1 theuh nei an ni.
Yadav-a chuan an inpek theih nan hian District Reserve Guard, Bastar Fighter, Special Task Force, CRPF leh CoBRA (Commando Battalion for Resolute Action) chu an thawk rim hle tih a sawi.
Inpe tharte hi sorkar laipuiin scheme a neih angin Rs 25,000 theuh hlan an ni dawn a, an khawsak zui zelna tur pawh chhawmdawl zui an ni ang.
Kuminah hian Bijapur district-ah bik Maoist 65 an inpe tawh a. Nikum khan Bastar region an tih, Bijapur pawh telin district pasarih huamah mi 792 an inpe bawk.
Luman nuai 24 nei mi pakua telin Maoist 17 inpe
Get real time updates directly on you device, subscribe now.
Next Post