Lunglei PS-in chawimawina dawng
Sawrkar laipui Ministry of Home Affairs-in Annual Ranking of Police Stations 2022 a neihah ‘Best Police Station of Mizoram 2022’ atana a thlanchhuah Lunglei Police Station chawimawina chu Ningani khan Lungleiah neih a ni.
He hun hmanpuitu deputy Inspector General of Police (Southern Range) H Ramthlengliana chuan Lunglei P/S officer in charge inspector LP Zohmangaiha hnenah chawimawina, Certificate of Excellence hi a hlan a. Certificate-ah hian Union Home minister Amit Shah leh Home secretary Ajay Kumar Bhalla ten hming an ziahhnan a ni.
Ministry of Home Affairs chuan police station hnathawhte chu tehfung hrang hranga teh a nih hnu ah Lunglei P/S chu Mizorama police station tha bera thlan a ni tih deputy IGP hian a sawi a. “Mipui tana rawngbawltu kan nih angin, police station-te hi mipui tan zalenna leh ngampatna bakah an duh zawng sawi theihna hmun nise, mipui tana thil thate tih chhunzawm zel ang u,” a ti.
Lunglei PS-in chawimawina dawng
Get real time updates directly on you device, subscribe now.
Next Post