Madagascar-ah sipaiten president kut atangin thuneihna chang

Madagascar-ah sipaiten president kut atangin thuneihna chang
Thalaite kaihhruaia chawlhkar eng emaw zat duh lohna lantirna a kal hnuah sipai tha bikte chuan President Andry Rajoelina-a kut atangin Madagascar-a thuneihna an la tih an sawi.
Presidential Palace tuala dingin CAPSAT chief Col Michael Randrianirina-a chuan sipaiten sorkar siamin kum hnih chhungin inthlan an huaihawtdawn tih a sawi a. Mipui rorelna rama hmun pawimawh, electoral commission leh thil dangte a thiat nghal bawk.
Sorkar nawrtu Gen Z-te chu an ram kal dan inthlakah an tel dawn tih sawiin, ‘khawlaia an chet velna avanga hetiang hi thleng niin an thil phut hi zahsak an tul’ tih a sawi.
Sipaite leh lungawi lote chu President Rajoelina-a paih thlak a nih avanga lawmin an khawpui, Antananarivo-ah chuan mi sang tel pungkhawmin an ram flag an vai nasa hle.
Madagascar-a constitutional court chuan Col Randrianirina-a chu an hruaitu thar atan a puang a, president pisa atanga thuchhuahah erawh Rajoelina-a chuan hruaitu a la nih reng thu leh ‘sipai chakna hmanga thuneihna chan tum’ tiin a puh.
Rajoelina-a chin hi hriat a ni lo va; mahse, sipai leh politician-te a tana hlauhawma an awm hnuah ‘hmun himah a awm’ nia sawi a ni a, CAPSAT chuan president bik bo chhanah inrawlhna an nei lo niin an insawi a. Titiah chuan French sipai thlawhnain ram a chhuahsan nia sawi a ni.
Madagascar-a thalai rualte lungawi lohna hi chawlhkar hnih chuang kal ta atanga intan kha niin an rama tui leh power tawp nasa lutuk duh lohna atanga intan a ni.
Lungawi lohna hi lian zelin hna nei lo tam, ei rukna leh khawsak man sang lutuk duh lohna nen Rajoelina-a sorkar chu duhkhawp lohna a lian zui ta hle a ni.
Mipui leh venhim hna thawktute innawrna pawh thlengin UN chuan mi 22 vel thiin 100 chuang an inhliam niin an sawi a. Malagasy sorkar erawh chuan a ni em em lo tih an sawi thung.
Kum 2009-a thuneihna a chan tirah Rajoelina thlawptu, CAPSAT chuan Inrinni atang khan mipui hi an zawm ve tan.
President Rajoelina-a hi a tirah chuan Madagascar thlak theitu tura ngaih a ni a. Hmel naupan hmel tak hi kum 34 mi lek a nihin president a ni a, Africa-a ram hruaitu naupang ber niin kum li an ram a hruai a, kum 2018 khan thlan tlin leh a ni bawk.
Ei rua puh a ni a, amah chuan a pha a. A lak atanga thuneihna thui tak chhuh a nih hnuah pawh thuneituah a inchhal zui zel a ni.
Eptuten amah paih thlak nana buk an tum mai tur ven nan Rajoelina-a hian an national assembly thiah a tum a; mahse, awmzia a awm zui ta lo va. Dan siamtute chuan bukin vote 130-in an duh loh laiin a lamtang an awm ve lo va. A kaihhruai party, IRMAR-a mite ngei pawhin paih an duh tihna a ni a, amah erawh chuan he bukna hi a hnawl thung.
Indian Ocean-a thliarkar ram hi tun hnaiah politics inlumlet but but thlen fona a ni.
Khawvela ram rethei ber zinga mi an ni a, World Bank chuan mi cheng maktaduai 30 zinga 75% chu below poverty line hnuaia awm an ni tih a sawi.