Mahakumbh 2025-ah robot kangthelhna
Khawvela sakhaw thila punkhawmna lian ber, Mahakumbh 2025-ah a vawi khat nan robot kangthelhna (robotic fire tender) an hmang dawn tih thuneituten an sawi.
Hetiang khawl an hman bakah hian a bik taka train fire commando 20 an inrintir dawn bawk.
Additional Director General (Fire Services) Padmaja Chauhan chuan robotic fire tender pathum, mihring leh khawl dang tana thlen harsa thleng thei tur, pakhat kg 20-25 inkar an chhawp dawn tih a sawi a ni.
Robot-te hi stair-ah an lawn thei a, rang tak leh him takin kang an thelh thei niin a sawi.
“Robotic fire tender hi kangmei hmachhawnna kawnga technology-a hmasawnna lian tak a ni a. Awlsam takin a hlauhawm lai bikah an lut zung zung thei dawn a ni,” tiin Chauhan chuan a sawi.
Hei bakah hian Mahakumbh-ah hian tui phuh chhuak thei tur ban sang, water tower an siam dawn a, hei hi metre 35 tur niin thlalakna tha tak hmangin chung lam atangin kangmei chu a hmu thei dawn tih a sawi.
Mihring tha tihchang nan pawh Special Trained Rescue Group (STRG) siam niin hei hi National Disaster Response Force (NDRF) leh State Disaster Response Fund (SDRF) zui zuia siam a ni tih ADG chuan a sawi.
He unit-ah hian NDRF leh Central Industrial Security Force (CISF) Hyderabad atanga inzir chhuak mi 200 an awm dawn a, kangmei chhuah hlauhawm zualna laiah dah an ni dawn tih a sawi.
“Kan tum ber chu kangmei chhuak lo tura kan zavaia tan rual a ni,” a ti.
Chauhan chuan fire services atan hian Mahakumbh hnuhnung berah khan Rs. Vaibelchhe 6 dah niin tunah hian Rs. Vaibelchhe 67 dah a ni thung tih a sawi.
Mahakumbh 2025-ah robot kangthelhna
Get real time updates directly on you device, subscribe now.