Mahakumbh tan a ni dawn hnai a, hetih lai hian Inspector General of Police, Prayagraj Tarun Gaba chuan sakhaw thila punkhawmna lian tak awm turah hian boruak tichhe thei veng turin thuah sariha venhimna kalpui a nih thu a sawi.
ANI hnenah Gaba chuan, “Mahakumbh 2025 hi mihring punkhawm tamna ber a ni dawn a. Ruahmanna fel fai tak kan nei a, Mahakumbh kûtpui hi miin him tak leh fel fai taka an hman theihna tur kan ruahman a, venhimna tha ber kan ruahman a. Thuah sarihin kan kalpui dawn a, mite chu uluk taka endikin rinhlelhawmte chu man chhuah ngei an ni ang a. State leh central agency dangte nen pawh kan thawkho dawn a ni,” a ti.
“AI hmang thlalakna pawh hman tel kan tum a, thlalakna hi 2,700 zet kan dah dawn a. MahaKumbh a himna tura tih theih ang zawng zawng kan ti vek dawn a ni,” a ti.
Thawhlehni khan Uttar Pradesh Police chuan Deputy Inspector General of Police Vaibhav Krishna (IPS) kaihhruaiin endik runpui an kalpui tan a, Mahakumbh 2025 himna atan an thawk nasa hle.
Endik runpui hi mihring leh thil dang pawh rinhlelhawm hai chhuah tumna a ni a. A bikin Sangam Ghat, pontoon bridge leh kawngpui intawh tam zualna lai an endik uluk hle.
Deputy Inspector General chuan station in-charge tinte chu an huam chhung theuhvah fimkhura himna tiderthawng theite en uluk turin a hriattir bawk a. Vantlang himna tichhe thei ang chi chu hlah lo turin a ngen.
Hetih lai hian Union Civil Aviation Minister of State Murlidhar Mohol chuan Mahakumbh inbuatsaihna hi enpuiin a tlawh dawn a. Thlawhna tumhmun thuneitute kawmin a kal dunte tana awlsam zawkna tura inruahmanna a enpui ang a. Triveni Ghat-ah pathian biain tui a in bawk ang.
Maha Kumbh Mela 2025 hi Prayagraj-ah Inrinni atang hian tan a ni ang a, February 26 thleng a awh ang.
Mahakumbh atan venhimna thuah sarih
Get real time updates directly on you device, subscribe now.
Prev Post
Next Post