Maharashtra-a factory kangah mi pariat thi

Maharashtra-a factory
kangah mi pariat thi
Maharashtra-a Solapur district-ah Pathianni khan thil siamna hmun (factory)-a kangmei nasa tak chhuakah hmeichhe pathum leh naupang telin mi pariat an kang hlum niin thuneituten an sawi.
Mumbai khawpui atanga km 400 vela hla, Solapur MIDC, Akkalkot Road-a Central Textile Mills-a Pathianni zing dar 03:45 vela kangmei chhuak hi chhui tawh chinah chuan electric kal sual vang nia hriat a ni.
Thi zingah hian factory neitu, Haji Usman Hasanbhai Mansuri pawh a tel a. A chhungte dang pathum pawh telin hetah hian a tupa kum khat leh a chanve mi pawh a tel a. Hnathawk mi pali an thi tel bawk.
Thuneitu pakhat chuan thi zinga pathum chu hmeichhia an ni tih an finfiah tih a sawi.
Kangmei chhuak hi thelh mit turin darkar ruk chhung hman a ni tih kang thelhtuten an sawi.
Pathianniah vek khan Telengana khawpui, Hyderabad chhinchhiahna pakhat, Charminar bul lawk ina kangmei nasa tak a lo chhuak tawh a, hetah hian naupang pariat leh hmeichhe panga telin mi 17 an thi.
He kangmei pawh hi a chhuah chhan tak hriat ni lo mah se electric kal sual atang thova intan a nih erawh rin a ni.