Maldives-ah pro-China thlang tling

Maldives president thlanna neihah pro-China candidate chuan president ni mek India nena inlaichinna tinghet zualtu chu a hneh.
President Ibrahim Mohamed Solih chuan inthlan result puanah a chak loh zawk thu pawmin Mohamed Muizzu chuan vote 54% hmuin a chak zawk a ni.
Muizzu hi capital male mayor niin a campagn naah pawh ‘India out’ tih aupui tu a ni a.
Solih hian 17 November a president thar lakluh a nih hma zawng chuan a la hmu rih ang.
Solih hian kum 2018 atang khan thuneihna chang tawhin kum 61 a upa niin Maldivian Democratic party (MDP) leh India inlaichinna tichak tu a ni a, Male chuan Idnia nen cultural leh financial lamah inzawmna thuk tak niin ‘India-first’ policy kalpui buttu a ni bawk.
Maldives hrim hrim hi India influence a awm reng niin hei vang hian Delhi pawhin Indian Ocean kimchang zawkin a enfiah reng theih phah thin.
Miuzzu hi kum 45 chauha upa niin Progressive Alliance coalition te chuan China nena inzawmna tha an thlang ta zawk a ni ber,
A naval force nasa taka tiliana tichak mektu China chuan strategic thila hmun pawimawhte neih tumin hma a la zel a, chutak chu India pawhin dan a tum chu a ni tho bawk a. Beijing chuan Gulf ram atanga energy supply a lak te Maldives paltlang si te chu him zawka hum a duh tia sawi a ni bawk.
Tun hnai kum sawm hnih vel chhungin Delhi chuan Maldives chu helicopter pahnih leh thlawhna te chi a pe tawh a. Kum 2021 khan Maldivian defence force te chuan Indian military personnel 75 an ramah an awm thu sawiin Indian aircraft an enkawl tiin a sawi.
Mahse, heng Indian military te hian opposition tena “India out” campaign an kalpui hnuah an chhuahsan nghal thung a ni.
Solih hma hian Abdulla Yameen chuan president hna kum 2013 atanga 2018 inkar chhung a chelh a, khatih chhung khan Maldives chuan China hnaih tial tial thungin President Xi Jinping a Belt and Road Initiative te pawh an zawm a ni.
Yameen erawh eirukna avanga kum 11 lung in tang tura tih niin kumin inthlanah pawh chuh thei lova siamin a awm bawk.
Muizz hi kum 1978-a piang niin University of Leeds, UK atanga civil engineering zo a ni a, kum 2012 khan politics luhchilhin minister of housing nihna pawh a lo chelh tawh a ni.