Mamit biala hnathawh tlawh

Mamit biala hnathawh tlawh
Mamit bialtu MLA Er Lalrinawma chuan Ningani khan a bial chhung khawthlang lam khaw hrang hranga hmasawnna hnathawh mek leh hmalakna turte a hmunah a tlawh.
Teirei Forest khuaa football ground laih mek, Tuipuibaria football ground siam mek, Community Hall sak thar leh Tupuibari to West Kawnpui Road phase-I a hmunah a enfiah a. Kawng siam hna thawktu LT Construction chu chak taka thawk turin a chah a, department hotute pawh theihtawp chhuah turin a ngen.
Bialtu MLA chuan sawrkarin harsatna hrang hrang a tawk nasa a. Khawtlang mipui, NGO, kohhran leh sawrkar thawhhona azarah harsatna karah kan damchhuak a, sawrkarin ram mipui tana ei leh bar intodelhna kawnga a hmalakna, nitin khawsak leh hmasawnna ruhrel din kawngah hna a thawk ropui takzet tiin a sawi.