MBBS zirchhuakte kan lawmpui – MNF

MBBS zirchhuakte kan lawmpui – MNF
MBBS zirchhuakte an lawmpui tih MNF party chuan sawiin, Zoram Medical College (ZMC) tihchangtlun zel a ni chu lawmawm an tih thu an sawi bawk.
MNF Gen. Hqrs. thuchhuak chuan hrilengin min tibuai chung pawha theihtawp chhuaha medical college tihpuitlin na’na hma latu chief minister Pu Zoramthanga kaihhruai sawrkar leh Health minister Dr R Lalthangliana thawhrimna chhuanawm a tih thu a sawi.
Eptu party thenkhatten ZMC chu sawrkarin ngaihthah leh enkawl thaloah an puh thin nia sawiin, ‘ZMC-a MBBS zirlai hmasa berte result tihchhuah a ni khan ZMC chu sawrkarin a ngaihthah loh zia a tilang a. Hei hi Mizoram tan mellung pawimawh tak a ni,’ a ti.
Harsatna tam tak kara hlawhtling ta zirlaite kal zelna turah duhsakna a hlan rualin, hlawhtling ve lote tan Mizoram University-in exam a buatsaih leh turah hlawhtlinna chang ngei turin duhsakna a hlan tih MNF hian a sawi a. MBBS zirchhuak tharten internship an tan thuai theihna’n Health minister-in chak takin hma a la mek a, National Medical Council nen indawrna an kalpui mek bawk, tiin, ‘Hei hian kum tharah chuan Mizorama doctor indaihlohna pawh engemawchen a phuhruk dawn a ni,’ a ti.