Mamitah cyber crime inhrilh

Mizoram Journalists’ Association leh Mizoram Police tangdunin cyber crime chungchanga hriat tur leh inven dan inhrilha district hrang hranga seminar a buatsaih chu Thawhtanni khan Mamitah neih a ni.
Hmanpuitu Mamit bialtu MLA Er H Lalzirliana chuan tunlai khawvel changkang chho zela kan buaipui ber leh ngaihtuah ber chu artificial intelligence leh cyber crime a ni tih a sawi a. Kan hma huna inchhawp pawimawh tak kan ngaihven ngai a ni, tiin, “Cyber crime chungchangah hian awareness kan neih that a tul a, tangruala kan do a tul,” a ti.
Social media-a kan thil post-ah kan fimkhur a tul tih sawiin, rilru hriselna leh kan thil post duh zawng a inthlunzawm vek a, rilru hrisel tha put a pawimawhin cyber crime kan do theihna hmanraw tangkai tak a ni tih a sawi a ni.
Seminar hi MJA Gen. Hqrs. president C Lalrambuatsaiha’n a kaihruai a. MJA Mamit District president Lalhuma’n inlawmna thu sawiin, Mizoram Cyber Crime Cell DSP Jeremia Vanlalhmachhuana leh SI Joseph Lalhnehzela ten cyber crime leh a laka inven dan chungchang an sawi a, zawhna an chhang nghal bawk.