ZPM Thalai Project Zoram Chhanchhuah programe kalzelah Inrinni khan Mamitah Thalai Rally an buatsaih a, ZPM Thalai Hqrs. hruaitute leh Mamit district huamchhunga ZPM party-in bial viltu atana a ruatten thu an sawi.
ZPM Thalai president Dr C Lalrammawia chuan ZPM chu beidawng kalkhawm an ni loa, sawrkar thar beiseitute an ni a, party dangten eng ang pawhin bei mah se, chiai tur an ni loa, chak taka hmalam pan zel tur an ni tih sawiin, “Min beih hian min bei kang zel a ni,” a ti.
Mizo mipuiin phuarbehna politics ata zalenna kan sual mek, tiin, “Kumin kumtawp lamah chuan zalenna kan hmuh ngei a rinawm,” a ti.
AMC corporator Christina Roluahpuii Sailo chuan sawrkar nawm zia tem ve tur niloin, mipuiin sawrkar tha neih hlut zia an hriat theihna atan theihtawp an chhuah tih a sawi a ni.
Mamitah Thalai Rally
Get real time updates directly on you device, subscribe now.