Manipur-a Zofate leh tlawmngai pawlte inkawm

Zirtawpni khan Central YMA Committee Room-ah NGO Coordination Committee (NGOCC) hruaitute leh Manipur-a Zo hnahthlak pawl hrang hrangte inzawmkhawmna Zo United hruaitute an inkawm.
NGOCC chairman Lalhmachhuana, Central YMA president kaihhruaiin hun an hmang a, Zo United lam hi an pawla tel pawl hrang hrang – Hmar Inpui, Mate Tribe Council, Zomi Council, Mizo People Convention, Sukte Tribe Council, Paite Tribe Council, Tangkhal Tribe Organisation, Hill Tribe Council, Manipur Tribal Forum Delhi, Indigenous Tribes Advocacy Committee aiawhte an tel. Kawng chhia leh harsatna dang avanga tel thei lo an awm.
Zo United kal zel dan tur leh Manipur-a Zofa unau hrang hrangte inpumkhatna leh inunauna chungchang te an sawi a, Zo United hi Zofa unau hnam hrang hrangte lungrual taka an telna a nih avangin tihchak zel a \ul thu te, inunauna leh inpumkhatna kawnga theihtawp chhuah a \ul thu te sawiho a ni.
Zo United hi 2023 September ni 7-ah khan NGO Coordination Committee-in Manipur-a Zo hnahthlak unau pawl hrang hrangte nen Central YMA Committee Room-ah an din a ni.