Congress leader Pawan Khera chuan Securities and Exchange Board of India (SEBI) chief Madhabi Puri Buch chuan sorkar atang bakah ICICI bank atangin hlawh a la tel bawk tiin a sawi.
Delhi-a press conference a neihnaah Khera chuan Buch chu a hna atanga bang tura ngenin Section 54 of the SEBI Act a bawhchhia tiin a sawi bawk a.
Khera chuan Buch chuan sorkar tana a thawh avangin hlawh Rs16.8 crore a la a ti bawk a. “SEBI hna ber chu share market regulate niin chu chu kan vaiin middles class te pawhin kan sum te kan invest na ber a ni” tiin a sawi a.
“SEBI chief hi Prime Minister leh Union Home Minister Amit Shah te awmna committee in a ruat a ni” tiin a sawi bawk.
-- Advertisement --
Kharge
Press conference neih zawh hnu hian Congress chief Mallikarjun Kharge chuan PM Modi chu ‘ngaihtuahna mumal pawh siam lova SEBI a first lateral entry chairperson ruat’ tiin a sawisel zui nghal bawk a.
Kharge chuan Supreme Court chuan puhna thar ber chu a ngaih pawimawh a ngai tia sawi bawkin Buch chu ban tur a ni ti bawkin ‘Adani Mega Scam’ chu Parliament committee investigation neih ngai a ni a ti bawk.
Jairam Ramesh pawhin zawhna
Rajya Sabha MP Jairam Ramesh pawhin X platform kaltlanga zawhna zawt bawkin, “Supreme Court-mandated investigation Adani Group tena security law bawhchhiatna an neih kalpui mekah SEBI Chairperson conflict of interest kaihhnawihah zawhna pawimawh tak a awm a ni” tiin a sawi a.
Prime Minister Narendra Modi kaihhruai committee chuan SEBI chairperson ‘schoking facts’ an enfiah nge ni a, ACC te hi PMO a outsourced vek zawk tiin zawhna a siam bawk.
“Non-biological PM hian luhlul a chhuah zui ngawt thei lo va. Capital markets, Indians crore tel tena investment an tihna hian regulator te hnen atangin langtlang taka engkim tih a phut a ni” tiin Congress leader Ramesh chuan a sawi bawk.