Manipur buainaa hmeichhia leh naupang kut tawrhna MHIP-in dem

Manipur buainaa hmeichhia leh
naupang kut tawrhna MHIP-in dem
Manipur buainaa hmeichhia leh naupangten kut an tuar tel ve chu an dem hle tih Mizo Hmeichhe Insuihkhawm Pawl chuan an sawi a. He buaina hi tih reh anih thuai theihna’n President of India leh India sawrkar chu inrawlh thuai turin an ngen.
MHIP Gen. Hqrs. hruaitute chuan Thawhlehni khan Raj Bhavan-ah larsap Dr Hari Babu Kambhampati an hmu a. Manipur state buaina chhuak kara hmeichhia leh naupangte dinhmun tha lo tak chu sawipuiin, hemi chungchanga amah larsap kaltlanga India President hnena ngenna lehkha an thehluh pawh chak zawka nawrpui turin an ngen nghal.
An lehkha thehluhah hian, Manipur-a buaina chhuak chu pawi an tih thu sawiin, he buaina chhuak karah hmeichhiate leh naupang pawisawi loten kut an tuar chu an dem a, a rang thei ang bera boruak ralmuang siam thuai turin central leh Manipur sawrkar thuneitute an ngen tih an sawi a ni.