Manipur buainain zual lam pan zel

Manipur buaina thleng mekah Centre chuan Army leh Assam Rifles te a tirh luh thu defence ministry thupuangtu chuan a sawi a.
Manipur-ah hian buaina chhuak kaihhnawihah mi 4,000 chuang hmun him lamah thiarchhuahin an awm tawh a, mi tam zawk la thiarchhuah belh zel tura ngaih a ni bawk.
Army leh Assam Rifles te zan lamah State police te nen patrol tir nghal an nih thu sawi a ni bawk a. “Boruak thunun nan sipaite hi flag marches tir nghal an ni,” tiin Ministry thupuangtu chuan a sawi.
Hetih lai hian Manipur Chief Minister N. Biren Singh chuan mipuite chu insumkarna nei tura ngenin remna leh muanna a awm theih nana sorkar thawhpui turin ngenna a siam a.
Manipur-a buaina hi May 3 khan All Tribal Student Union Manipur (ATSUM) tena Churachandpur district-a Torbung area a ‘Tribal Solidarity March’ neih atanga intan a ni a, Imphal Valley a cheng Meitei tena Scheduled Tribe (ST) status an ngiat an duhlohna lantirna a ni.
He lungawilohna lantirnaah hian lungawilote leh non-tribal te inkarah intihbuaina a chhuak zui tiin senior police officer te chuan an sawi.
Police-te chuan tear gas thahnem tak an kap chhuak a. |halai lungawilo rualte chu Cachipur, Imphal West distict leh Soibam Leikai, Imphal East ah te lungawilohna chhanlet dan ngaihtuahin an pungkhawm tiin official te chuan an sawi.
Imphal West, Kakching, Thoubal, Jiribam leh Bishnupru district bakah tribal tamna Churachandpur, Kangpokpi leh Tengnoupal district ah te curfew puanzui a ni bawk a. Mobile internet service chu ni nga chhung tihtawpin a awm tawh bawk.