Manipur buaina a reh theihna’n leh he buaina tuartute tan bakah ram puma Uniform Civil Code hman a nih lohna turin Mizoram Kohhran Hruaitute Committee chuan kohhran tinah tawngtai rual neih a rawt a. Hemi ang hian tualchhung kohhran hrang hrangah hun hman a ni.
Tawngtai thupui chhawpchhuah sa a awm a. Manipur-a chi leh chi inkara buaina chhuak a lo reh a, remna leh muanna a awm theih nan; he buaina avanga nunna, in leh lo chan zawng zawngten Pathian awmpuina leh thlamuanna an chan theihna’n; India ram leh Manipur State a roreltuten rorelna dik an ken kawh theihna’n; sakhaw hmun thianghlimte zah lo tak leh pawisa lo taka tih chhiat leh tih bawrhban a nih tawh lohna’n; India ram puma Uniform Civil Code (UCC) hman tuma hma lak mek chu hnam inpumkhatna tichhe thei leh sakhaw zuitu nei tlem zawk leh hnam tlem zawkte tan a him dawn loh avangin UCC hi kan ramah hman a nih lohna’n te a ni.
Mizoram Presbyterian Kohhran chuan Pathianni zan inkhawmah khan hemi pual hian hun an hmang a. Mizoram Baptist Kohhran chuan Pathianni chawhma inkhawmah hemi pual hian hun a hmang thung.
Manipur leh UCC vangin tawngtai
Get real time updates directly on you device, subscribe now.