Maradona leh Pele kiangah Messi

Maradona leh Pele kiangah Messi
Paraguay khawpui hnaih Luque khawpuia South American football thuneitu sang ber South American Football Fe-deration (CONMEBOL) headquarters kawtah chuan he khawmualpuia footballer ropui chung-chuang pahnih Brazil great Pele leh Diego Maradona lim a ding luah a, Thawhtanni khan Fifa World Cup hnuhnungbera Argentina champion-puitu Lionel Messi lim chu legend pahnih dinna hmunah hian hun chhuah a ni ve leh ta.
South American fede-ration museum-a a lim an dinah Argentina captain Messi hian World Cup trophy lem a keng a, a lim hawnna hunah Messi pawh hian a lim bula dingin World Cup trophy ang chiaha siam, cham-pion team-in an kawl thin chu a keng ve bawk.
Thawhtanni khan CON-MEBOL headquarters-ah hian Copa Libertadores draw tihfel nghal a ni.
Draw hmaa inkhawm buat-saihah Meesi liam hawn a ni a; alim dintira an chawimawi tak kum 35 mi Messi hian nikum December thla khan Qatar ramah kum 36 an nghah hnua a vawikhatna atan Argentinian-te’n World Cup trophy an lawm leh thei ta a, kha tournament-a an hlawhtlinna bulpui chu PSG striker pa tereuhte Lionel Messi kha a ni.
Thawhlehni friendly match-a Argentina-in 7-0 tehrenga world number 86-na Curacao an sawp tumin Messi hian first half-ah minute 17 lek chhungin hat-trick a siam hman a, Argentina player zinga international goal 100 thun tluing hmasaber niin, nikum World Cup-a an champpion atanga ni 100 a liam rualin ram tan mellung lian a phun leh.
Argentine Football Federation chuan world champion an nihna kha friendly match khelin a la lawm kal zel a; Curacao an sawp hma lawk khan Panama nen friendly match khel bawkin, sihnih faia an chakna game-ah pawh khan Messi hian goal thunin, a career-a club leh ram tan belh-khawma a goal 800-na a lo tilut tawh bawk.
Inrinni mai khan Ar-gentine Football Fe-deration chuan an captain ropui Messi chawimawi-na atan an national team training facility chu Messi hmingin an lo thlak tawh a ni.
Curacao laka goal thum a thun leh nen Messi hian ram tan goal 102 a tilut tling a, a ropuina hi a la kal zel rih dawn niin a lang.