Marcelo leh Olympiakos in\hen

Brazilian defender Marcelo chuan thla nga lek a khelh hnuin Olympiakos nena an contract a titawp.
Europa League sea-son kal laia Greek club tana game thum khel tling Brazilian left-back Mar-celo hian nikum Sep-tember thla khan Olym-piakos-ah kum khat daih contract a ziak a; an inremnaah chuan kum khat dang contract pawh-sei theih tih a ni a, mahse, season kal laia inelna hrang hrang game 10 khela goal thum a thun hnuah kum 34 mi hian a contract neih lai a titawp zui ta mai a ni.
He thu hi social media lamah tarchhuak-in, “Greece ramah hian ka theihnghilh ngai tawh loh tur hun ka hmang a, Piraeus leh supporter-te hi ka thinlungah an nung reng tawh ang,” tih thu a sawi rualin Greece-a letleh lam a sawiri tel a, “Tun hi he ram mak dangdai taka ka hun tawpna a ni dawn lo a, tuna ka sawi theih ni rih erawh Olympiakos jer-sey hak hi ka thlahlel a, he hmunah hian cham rei lo mah ila ka tawnhriat leh thian thate avangin ka nunah a bet tel kumkhua tawh ang,” a ti.
Kum 15 chhunga trophy 25 tehreng a lakpui hnuah Real Madrid history-a player champion ngun ber ni chungin Marcelo hian Olympiakos a zawm a; thla nga lek hnua an inthen leh tak hnu hian Greek Super League club pawhin social media kaltlangin Brazilian thlahna leh Marcelo laka lawmthu sawina an tichhuak ve nghal bawk.