Mariah Carey-i’n MTV Video Vanguard Award a dawng

Mariah Carey-i’n MTV Video Vanguard Award a dawng
Award hlantu Ariana Grande chuan, “Vocalist ang chuan queen pakhat chiah a awm, chu chu Mariah a ni,” tiin Mariah Carey hnenah MTV Video Vanguard Award a hlan.
Mariah Carey hian a rimawi zinkawnga a hla hit hrang hrang medley-i’n hun a hmang zui nghal a, a hla thar deuh ber ‘Sugar Sweet’-a bul tanin, bedroom backdrop a hmangin mipa lamthiam pahnihin an tawiawm a, chutah a beat inthlak thutin “Fantasy’ remix intro-ah a lut thut a, pop superstar a nihzia pholangin ‘Heartbreaker,’ ‘Obsessed’, ‘It’s Like That’ leh ‘We Belong Together’ te a thlawh tel bawk.
Chutah Grande chu stage-ah rawn lang lehin, award chu Carey hnenah a lan ta a, Grande hian Carey chu zahna chibai a buk zui bawk. Carey chuan Grande hnenah lawmthu sawiin, “I chungah ka lawm takzet a, bawihte, i hlawhtlinna zawng zawngah ka chhuang tak em em che,” a ti bawk.
Carey hian lawmthu a sawi tawi thiam tik tek khawp mai a, a VMA history atanga Witney Houston nena an lo perform dun tawh dan te leh LL Cool J hnenah Video Vanguard Award hlantua a lo tan tawh thu te sawi langin, music video chu modern art anga a ngaihhlut thu te sawiin, “Music leh video chu a kual a kual a, mahse, a hlimawmna chu a tawp thei lo hi a ni,” tiin, a fans, Lambily te nenah lawmthu sawiin a titawp ta a ni.
Carey hian a speech-ah tun kum sarih chhunga a album tihchhuah leh hmasak ber tur ‘Here For It All’ pawh a sawi lang zeuh a, album hi September ni 26-ah a tlangzarh dawn a, he album-ah hian ‘Sugar Sweet’ leh a lo tichhuah tawh ‘Type Dangerous’ te pawh a tel dawn a ni.
Carey hi zaithiam lar rei tawh tak ni mah se MTV VMA hi a la dawng ngai miah lo a, kumin hian ‘Type Dangerous’ avangin best R&B a dawng a, hei hi MTV VMA a dawn vawi khatna a ni. Video Vanguard Award hi chu non-competition, chawimawina liau liau a ni a, a dawn hian kum 56 mi a ni tawh a, he award dawng thei upa ber a ni a, 1998-a Beastie Boys hnuah MTV VMA pakhatmah dawng lo a Video Vanguard Award dawng tura thlan leh hmasak ber a ni bawk.
Puerto Rican superstar Ricky Martin pawhin non-competition chawimawina Latin Icon Award a dawng a, he award hi MTV VMA-ah an pek vawi khatna a ni. Ricky Martin hian a hla hit medley perform-in , fan favorite “Livin’ La Vida Loca”-in a bul a tan a, boruak han siam vel chu a la thiam ngang mai. A hla dang ‘Pegate,’ ‘Shake Your Bon-Bon’, ‘Vente Pa’Ca’, “Maria’ leh ‘The Cup of Life’ pawh a thlawh a, football lam hla ‘Cup of Life’ a sak lai phei chuan Ariana Grande pawhin a lo sukpui ve nghang nghang a ni.
2025 MTV VMAs Winners:
Video of the year : Ariana Grande – “Brighter Days Ahead”
Artist of the year : Lady Gaga
Song of the year : ROSÉ & Bruno Mars – “APT.”
Best new artist : Alex Warren
Best pop artist : Sabrina Carpenter
Best collaboration : Lady Gaga & Bruno Mars – “Die With a Smile”
Best pop : Ariana Grande – “Brighter Days Ahead”
Best hip-hop : Doechii – “Anxiety”
Best R&B : Mariah Carey – “Type Dangerous”
Best alternative : sombr – “Back to Friends”
Best rock : Coldplay – “All My Love”
Best Latin : Shakira – “Soltera”
Best K-pop : LISA ft. Doja Cat & RAYE – “Born Again”
Best Afrobeats : Tyla – “Push 2 Start”
Best country : Megan Moroney – “Am I Okay?”
Best album : Sabrina Carpenter – Short n’ Sweet
Best long-form video : Ariana Grande – “Brighter Days Ahead”
Video for good : Charli xcx – “Guess featuring Billie Eilish”
Best direction : Lady Gaga – “Abracadabra”
Best art direction : Lady Gaga – “Abracadabra”
Best cinematography : Kendrick Lamar – “Not Like Us”
Best editing : Tate McRae – “Just Keep Watching “(From F1 The Movie)
Best choreography : Doechii – “Anxiety”
Best visual effects : Sabrina Carpenter – “Manchild”
Song of the summer : Tate McRae – “Just Keep Watching (From F1® The Movie)”
Best group : BLACKPINK
MTV push performance of the year
August 2024 – Shaboozey – “A Bar Song (Tipsy)”
September 2024 – Ayra Starr – “Last Heartbreak Song”
October 2024 – Mark Ambor – “Belong Together”
November 2024 – Lay Bankz – “Graveyard”
December 2024 – Dasha – “Bye Bye Bye”
WINNER: January 2025 – KATSEYE – “Touch”
February 2025 – Jordan Adetunji – “Kehlani”
March 2025 – Leon Thomas – “Yes It Is”
April 2025 – Livingston – “Shadow”
May 2025 – Damiano David – “Next Summer”
June 2025 – Gigi Perez – “Sailor Song”
July 2025 – Role Model “Sally, When the Wine Runs Out”