Mariah Cerey-i’n nikhat thil thuah a nu leh a laizawn a sun

Mariah Carey chuan a nu Patricia Hickey leh a laizawn Alison Carey te chu ni khat thil thuah a sun ni a sawiin, “Min lainatna leh tawrhpuinaah lawmthu ka sawi,” a ti a, “Kar liamta khan ka nu’n min liam san a, rilru hrehawm takin ka awm a. Lungchhiatna belhchhah turin ka nu mual liam niah tak ka laizawnin min liamsan ve leh ta zel a ni,” tiin August ni 26 khan thuchhuah a siam.
Carey, kum 55, chuan, “Nuin min mual min liam san hma karah a bulah hun ka hmang thei hi vannei ka inti. Min hmangaihna leh lainatna zawng zawngah lawmthu ka sawi a, he hun harsa leh lungchhiatnain min bawm laia ka privacy min zah sak avangin lawmthu ka sawi bawk e,” a ti.
Mariah Carey hian a nu, Patricia leh a laizawn Alison te hi avanga boral nge an nih a puangzar lo a. Patricia hi Juilliard-trained opera singer leh vocal coach a ni a, Alfred Roy Carey nen inneiin, fa pathum- Morgan, Alison leh Mariah te an nei a, Mariah hi hmeichhe naupang kum 3 mi lek a nih laiin a nu leh pa te an inthen a, a nu bulah a seilian ta a ni. Mahse, Mariah tleirawl chhuah hnua a nu nena an inzawmna hi a tha ta vak lo a, a laizawn Alison nen pawh hian an inhnimhnai lutuk lo bawk.