Chief minister Zoramthanga, horticulture department changtuin House a hrilh danin Mizoram sorkarin mau species pathum lei nan Rs 6,48,16,750 a seng tawh.
-- Advertisement --
Serchhip bialtu Lalduhoma zawhna, ziaka chhan chi chhangin chief minister hian dendrocalamus brandisii (Burma rua), dendrocalamus sikkimensis (rawmi) leh dendrocalamus longispathus (rawnal) te Mizoram sorkarin a lei.
Chief minister-in House a hrilh danin, dendrocalamus brandisii (Burma rua) lei nan Rs 2,75,90,000 sen a ni a, dendrocalamus sikkimensis (rawmi) lei nan Rs 86,03,000, dendrocalamus longispathus (rawnal) lei nan Rs 72,18,750 sen a ni tawh.
Dendrocalamus brandisii (Burma rua) hi sorkarin a lei hnem ber a, a man pawh a to ber; 3,44,875 a lei tawh a, pakhat Rs 80 zela lei a ni.
Heng mau hi Mizoram Bamboo Producer (F Lalhriatpuii), Mizoram Bamboo Nursery (J Lalmalsawma), Rokunga Kawlremi and Sons (R Lalfakawma) leh Inter-State Marketing Cooperational Services (F Vanlalpeka) te’n an supply a ni.
Mau chungchangah hian Manipur University-a mi Dr Ksh Lal Bihari Singha rawih a ni a, kum khat chhung atana rawih niin, rawih man hi Rs 50,000 per annum a ni.
Mau tiak hi NBM (National Bamboo Mission), NEC leh SEDP sum hmanga lei a nih thu chief minister chuan a sawi.