Mbappe hat-trick hmanga table chungber luahtu PSG

League season kal laia vawikhat chauh la tlawm Paris St-Germain chuan Inrinni zanah sithum faia mualneitu Stade de Reims sawp chungin Ligue 1 table-ah Nice nekchhuakin hma an hruaikir leh.
PSG chakna goal thum thawhtu Kylian Mbappe goal hmasaber hi minute thumna leka Dembele siamsak niin, second half tir lamah Carlos Soler-a through ball umlutin a vawihnih a; hun pangngai tawp hma minute riat la awmah Mbappe bawk hian Reims goalkeeper Ye-hvann Diouf-a hrilhhai-na goal khat dang a khung leh hram a; he result avang hian French top flight-ah PSG hian point khatin an hnuai chiaha pahnihna luahtu Nice an hmakhalh.
Stade de Reims goal tihluh chhun chu first half-a Junya Ito thawh-rah kha a ni a, mahse, kha goal kha offside vanga hnawl a ni.
PSG goalkeeper Gianluigi Donnarumma a awm mai mai reng hman bik lo a, an lama ball lut tur dangin a chechhuak fo a, save tha tak tak a nei bawk.