Zirlaiten Dr Ambedkar zir

Zirlaiten Dr Ambedkar zir
Sawrkar laipui leh Mizoram sawrkar chuan April 14 hi “India Constitution Pa” Dr BR Ambedkar piancham pualin sawrkar chawlhah a puang a. A piancham pual hian Govt. Hrangbana College-a Department of Political Science chuan Ningani khan Constitution siamna kawnga Ambedkar thawhhlawkna leh India-a hnam hnuaihnung leh tribal-te tana a hlutna inzirtir tharna an hmang.
Associate professor Dr H Lalzuithangi chuan Dr BR Ambedkar-a’n nun harsatna a tawh dan leh dikna sualchhuak tura a beih dante, lehkhathiam leh taima tak nimahse, a naupanlai atanga chi inthliarna avanga harsatna a tawh dan leh, chumi avanga India Danpui siamnaa Drafting Committee chairman a nih hnu ah, India rama khawih thianglo leh tribal-te tana humhalhna leh hmasawnna bik, Fundamental Rights-a thunluh a nih dante a sawi a. Dan hremi a nih avang leh economist hriathlawh tak a nih tel avangin hna a thawhnaah sawrkar leh mipuiin an chhawr nasat zia a sawi bawk.
Govt. Hrangbana College hian India ram hruaitu hmasate pualin symposium an buatsaih thin a. Ram leh hnam hmangaihna zirlaite ah tuh an tum thin a ni.