MCU-in inkhawmpui hmang
Mizoram Consumers’ Union (MCU) annual general meeting vawi 27-na chu Ningani khan Aizawlah neih a ni a. Larsap Dr Hari Babu Kambhampati leh Food, Civil Supplies & Consumer Affairs director Saizikpuii ten an hmanpui.
Kum 1995-a din MCU chu Consumer Protection Act 2019 kengkawha consumer-te dikna leh chanvo humhim tura thawktu a ni tih larsap hian a sawi a. Lungawilohna nei consumer-ten District leh State Commission-a an vuivaina an thlen kawngah MCU-in theihtawp a chhuahpui thin leh eirawngbawlna gas home delivery kalpui a nih theihnana hma an lakna chhuanawm a tih thu a sawi.
District tina consumer organization din leh high school chin chunglam zirna ina consumer club din tura hma lak a ni chu lawmawm a tih thu Dr Hari Babu Kambhampati hian a sawi bawk.
FCS&CA director pawhin tunhnaia technology thang chak takin e-commerce lamah hmasawnna thlen bawk mah se, hemi kentel inbumna awm thin lakah consumer-te dikna leh chanvo humhalh tlat a tul tih a sawi a. Consumer-te dikna leh chanvo humhalh sak leh zirtirna pek kawngah nodal department leh MCU- tanrual zel a pawimawh tih a sawi.
MCU hian tunah Aizawlah Hqrs. a nei a, district tinah Sub-Hqrs. a nei. Branch 180 leh Club 60 a nei bawk.
MCU-in inkhawmpui hmang
Get real time updates directly on you device, subscribe now.