Infiammi theihna nei tha
Bana Kaihna tur sum dah
Infiammi zinga theihna tha zawng chhuak turin Bana Kaih policy hnuaiah sawrkarin sum a dah tih chief minister Lalduhoma chuan a sawi.
Aizawl district pawna a hmasa ber ni turin Champhai Chhangphut Field Stadium flood light chu Nilaini zan khan chief minister hian a hawng a. Sports minister Lalnghinglova Hmar chuan a tawiawm.
Mizoram sawrkarin infiamna kawnga hmasawnna thlen a duh a, hetihrual hian sum leh pai dinhmun hre chungin pawimawh dang – inkalpawhna kawngpui tha, zirna tha leh a zirna in tha, hriselna lama inenkawlna tha zawk, police thuamchak leh kuthnathawktute chawikan nen hmasawnna inbuk tawk kalpui a tum tih chief minister hian a sawi.
Mizoram sawrkarin ‘Bana kaih’ hnuaiah infiammi theihna nei tha zawng chhuak turin cheng vaibelchhe 2.5 a ruahman tih sawiin, kumthar atangin hma lak tan an tum tih a sawi bawk.
Champhai Chhangphut Field-a flood light hi SASCI (2023-2024) scheme hnuaia sum nuai 457 hmanga sak a ni a. He hna hi RS Construction and Consultancy, Tanhril Aizawl chu thawkin, kumin November 12 khan an zo a ni.
Infiammi theihna nei tha Bana Kaihna tur sum dah
Get real time updates directly on you device, subscribe now.
Next Post