un hnaiah Mizoramah meth man tur a awm leh tawh a, kuminah pawh thla thum chhungin Mizoram Excise & Narcotics (MEN) department-in he ruihhlo hlauhawm hi an man leh nual tawh; tam tak chu a ni lo.
MEN department hian kuminah March thla thleng khan meth hi kg 0.016 an man tawh.
2013 vel atangin meth hi tam thama man tur a awm tan a, 2018-ah erawh MEN department hian an man lo. A zia taah ngaih a ni a, 2019-ah tam vak lo an man leh. 2022-ah a pung ta hluai a, kuminah man tur a awm leh bawk.
MEN department hotute chuan Mizorama an mante hi Mizoram pawna mi tur a ni deuh zel tih an sawi a, a neitu hi hnam dang an ni deuh zel tih an sawi bawk.
An sawi danin, Tripura, Kolkata, Karimganj vela mi tur, Bangladesh-a mi tur thlengin khawchhak lam atangin Mizoram kaltlangin an la a, chu chu kawng lakah an lo man thin.
A neitu pawh hnam dang an ni tlangpui tih an sawi a, state dang atanga rawn kal an ni tlangpui tih an sawi. ‘Mizoram mi tak tak hi an awm meuh lo,’ an ti.
“Vai hi an rawn lut a, meth tawlh tur hian risk an la a, kan mante hi vai an ni fur,” MEN department hotu pakhat chuan a ti a, “Mizorama kan man hi hmun danga mi tur a ni deuh zel,” a ti bawk.
-- Advertisement --
Tun hnaia meth man zat
2022-ah Kg 103.714
2021-ah Kg 12.268
2020-ah Kg 45.547
2019-ah Kg 15.839
2018-ah Kg 0