Mizoram Football Association honorary vice president hna a chelh laiin Er. F. Lal-rinpuia chu January ni 20 (Zirtawpni), 2023 zan dar 11 khan cancer avangin a thi a, a chenna Ramthar Veng, Aizawl-ah Inrinni khan vui a ni.
MFA hruaitu hlun Er. Rinpuia hi kum 1989 khan MFA office bearer a ni \an tawh a, sorkar hnathawhna avangin hmun hrang hrangah awmin hruaitu atanga a chawlh chang awm mah se a thih ni thlengin MFA hruaitu a ni.
-- Advertisement --
Eizawnna lamah Engineer in Chief, Power & Electricity Department niin, a hnathawh chhung zawng hian a awmna apiangah football buaipuitu a ni zel a, tun hmaa Power Department Sporting Club awmlai pawha hruaitu ni reng thin a ni.
Mizoram Volleyball Association-ah pawh kum 12 zet president ni tawhin, kum 2017-2020 chhung khan Mizoram State Sports Council-ah finance secretary a ni bawk a; MFA-ah post hrang hrang chelh tawh-in honorary vice pre-sident a nih mek bakah technical committee chairman a ni bawk.
MFA thuchhuah chuan rootball tana mi inpe, a hun leh sumte ui ngai lo, kan hruaitu hlun leh kan hotupa kan chan ta hi Mizoram Football Association chuan pawi a ti takzet a, Er. F. Lalrinpuia’n a kalsan takte tan Pathian thla-muanna kan dilsak e tiin an tarlang.