Mi 98,000 chuangin Health Care Scheme chhawr tawh

Mizoramin Health Care Scheme a nei a, tun hnai kum ruk chhungin he scheme hi mi 98,000 chuangin an chhawr tawh.
India sorkar hnuaiah health care scheme AB PM-JAY a awm bawk a, hei h mi nuai chuangin an chhawr tawh.
2019-2020 atanga kum liam ta 2024-2025 thlenga Mizoram Health Care Scheme chhawrtu zat chu 98,134 a ni a, kum ruk chhunga sum sen zat hi Rs 2,92,71,21,171 a ni.
Kum ruk chhung hian mi sing chuangin an chhawr ziah a, a chhawrtu tam ber kum chu 2020-21 niin, mi 28,650-in an chhawr. Hemi kum hi sum sen hnem ber kum pawh a ni a, Rs 76,84,90,046 sen a ni.
AB PM-JAY chhawrtu an tam zawk a, 2019-2020 atanga 2024-2025 thlengin mi 1,30,183-in he scheme hi an hmang tawh.
AB PM-JAY hi a chhawrtu an tam zawk na a, sum sen erawh a tlem zawk; kum ruk chhunga sum sen hi Rs 1,32,33,17,979 a ni. Mizoram Health Care Scheme hnuaia kum ruk chhunga sum sen hi Rs 1,60,38,03,192-in a tam zawk.
AB PM-JAY hi Ayushman Bharat Pradhan Mantri Jan Arogya Yojana tihna a ni a, India sorkar buatsaih niin, sorkarin mipuite tana health insuarance a tihsakna niin, insurance tihna tur sum hi India sorkar tum liau liau a ni.
Health Care Scheme hman dan
Kum Chhawrtu Sum sen
2019-20 14,716 Rs 42,03,61,718
2020-21 28,650 Rs 76,84,90,046
2021-22 12,886 Rs 34,09,10,350
2022-23 15,300 Rs 48,26,98,622
2023-24 16,065 Rs 57,74,72,343
2024-25 10,517 Rs 33,71,88,092