Miami Open hmawr bawk a hnai zel

Miami Open hmawr bawk a hnai zel
Top seed Carlos Alcaraz chuan ‘Sun-shine Double’ hlen-chhuak turin vawihnih chiah chak a mamawh ta a, nimin khan 6-4, 6-2 Taylor Fritz hnehin Miami Open semi-final a lut a, Daniil Medvedev pawhin American qua-lifier Christopher Eu-banks-a lasi thawnthu kal tluang lai a tihtawp-sak ve bawk.
Mipa singles quar-ter-final match pakhatah set hloh miah loa last eight thleng ve ve defending champion Alcaraz leh American ninth seed Fritz-te khan ‘high-qua-lity match’ an tih ang kha khel bawk mah se Fritz hian Alcaraz-a chimchin a pha ta lo a ni.
Spaniard Alcaraz hian vawiin semi-final match-ah Indian Wells last four lama a lo hneh tawh 10th-seed Jannik Sinner a tum leh dawn a, an lo intawn tawhah Alcaraz hian Italian lakah 3-2-in hma a hruai a, Miami last four match-ah pawh hian rinkai zawk a ni mek.
Tarlan tawh thin angin, US Open inbuat-saihna tournament lian pahnih Indian Wells leh Miami khuaa tourna-ment hi a zawna khelh mi niin, kum khata Cali-fornia leh Florida ni sensa rumrut hnuaia champion ve ve theite hi ‘Sunshine Double’ tiin an sawi thin a, kan hnung lawk Indian Wells-a champion tawh Alcaraz hi Miami tournament khelh mekah a champion leh thei a nih chuan Sunshine Double lawm thei mipa tennis player pariatna a ni ang.
Mipa quarter-final inkhel dangah ruahin a tihbuai hmain fourth-seed Medvedev chu set hma-saberah 2-3-in a hnufual zet a, minute 30 an chawlh hnua match chhunzawm leh a nih hnuah erawh game nga la zawnin, a umtu zawk a ni zui leh ta lo a, Ame-rican Eubanks lakah Russian hian 6-3, 7-5 hnehna changin, a match khelh hnuhnung 23-ah Medvedev hi vawikhat chiah a la tlawm.
Medvedev hian nizan semi-final result tarlan hman lohah 6-3, 6-2-a Argentine Francisco Cerundolo hnehtu a chipui Karen Khacha-nov a hmachhawn.
Miami Open hmei-chhe singles quarter-final match pakhatah Wim-bledon-a vawihnih cham-pion tawh Petra Kvitova chuan Russian Ekate-rina Alexandrova laka 6-4, 3-6, 6-3 hnehna changin, nizan result tarlan hman loh semi-final match-ah unsee-ded Romanian Sorana Cirstea a tum zui leh.
Women’s singles semi-final lehlamah nimin khan Wimbledon cham-pion Elena Rybakina chuan 7-6 (7-3) 6-4-a world number three Jessica Pegula hnehin final a lut a, he thu buatsaih lai hian zanin final-a a tum tur a la chiang lo a, Czech Kvitova leh Romanian Cirstea inkhela chak zawk zawk an ni ang.
Tunhnai lawka khelh zawh Indian Wells final-a Aryna Sabalenka hnehtu Rybakina pawh-in he thu buatsaih lai thleng hian ‘Sunshine Double’ hlawhchhuah theihna ‘chance’ a nei a, zanin final-a a chak leh chuan hmeichhiate zinga Indian Wells leh Miami title la zawn thei pangana a ni ang.