Aizawla MICE (Mizoram Institute of Comprehensive Education) School building sak chu a bilha tho lo, kaw hrang hrang atanga mi hrang hrangin an sak a ni tih School Education minister Lalchhandama Ralte chuan a sawi a. Ruahmanna siam thar zel tum a ni tih a sawi.
-- Advertisement --
MICE building hi sawrkar hmasa hunlai, 2016- 2017 ah NEDP sum atanga a sakna tur dah hmanga sak te, MNF sawrkar hnua hnathawh tur ruahman leh School Management Committee kaltlanga Samagra hnuaia sak – ruahmanna chi thum leh thawktu pathum awm a ni tih a sawi a. A structure drawing leh kalphung enin, heti zawk hian ti se, tih tur a tam tih a sawi.
Building enfiahtu thenkhat ten an sawi, a chung zawla railing awm lo, an tih chu estimate-ah a awm loa, railing awmna tura tihah pawh a te lutuk a, department hotuten an enfiah hnu ah siamthat tirin, contractor pawhin chawibelh pawi ti loin a lian zawkin a siam tih a sawi. School luhka siam dan a dik tawk loa, emergency exit a awm mumal lo tih a sawi. Laboratory room awm lo nia sawi leh chhawng tinah toilet awm loa nia sawi pawh a drawing-a awm lo niin, enfiah a nih hnu ah ruahmanna fuh lo deuh te, sum awm leh theite thlir chungin, sak belhna tur hisapa siamrem tum a nih tur thu a sawi a ni.