Mike Pence an campaign tan ta

US Vice president hlui Mike Pence chuan karlehah Iowa atangin Republican nominee ni turin campaign a tan dawn ta a, tihian a boss hlui Trump nen an inbei dawn ta a ni.
June 7-ah Pence chuan Des Moines ah kickoff nei dawnin a kum 64-na chiah a ni dawn bawk a. Chutih rual chiah chuan video message pawh a tichhuak tura ngaih a ni bawk.
Pence team te chuan Iowa chu chakna an chan theih nana State pawimawhah an ngai a, he state-ah hian Evangelical Christian voters te an tam a, Republican electorate te tamna a ni bawk a. Pence hian social conservative policy kalpui intiamin abortion rights te duh lo bur niin ram puma khap duh a ni.
Pence hi Congress-ah awm reng tawh niin Indiana governor pawh ni reng tawh niin kum 2016 khan Trump chuan running mate-ah a thlang a, kum 2020 inthlan thleng khan Trump lamah rinawm takin a awm a ni.
Mahse Trump chuan thuneihna a chan theih loh hnuah Pence leh a thlawptute chu hneh tumin Pence chuan thuneihna a nei lo chungin vice president a nih anga electoral college vote te hnawl turin a tur a. Vote chhiar a nih mek laiin Trump thlawptute chuan Capitol building luhchhuahin chet an la zui a, Pence chu thlurbingin ‘Hang Mike Pence’ tih tein an au a ni.
Pence chuan a hnuah Trump a tawngkam thlahdah lutuk chuan amah leh a chhungkuate kha mi a Capitol-a awmte dinhmun derthawngah a siam tia sawiin ‘Donald Trump chu history-ah mawhphurtu tia hriat zui a ni ang’ tiin a sawi a.
“Kum li chhung tha takin kan thawk dun a. Mahse, kan tawpna a duhawm lo,” tiin Pence chuan a lehkhabu a ziakin, “Lalpa min pui ang che,” tiin a tlip zui a ni.
Pence hian kum hnih leh a chanve chhung chu Trump lamah inlahrangin a campaign nan inpuahchahna a nei zui a, mahse ‘Trump-Pence administration’ chu fakin Trump nen chuan policy leh style thlengin an inang lo, a ti bawk.